जसपा परित्याग गरेकी औरही गाउँपालिकाकी उपाध्यक्ष कांग्रेस प्रवेश
चैत २७, २०७८ आइतबार १२:२१:०
सिरहा : सिरहाको सीमावर्ती औरही गाउँपालिकाकी उपाध्यक्ष सीताकुमारी यादव नेपाली कांग्रेसमा प्रवेश गरेकी छन् । उनी गत स्थानीय तहको निर्वाचनमा जनता समाजवादी पार्टी (जसपा) बाट निर्वाचित भएका थिइन्। कांग्रेस केन्द्रीय सदस्य दिनेशप्रसाद यादव र जिल्ला सभापति रामचन्द्र यादवले गाउँपालिका उपाध्यक्ष यादवलाई फूल माला र अबिर लगाएर पार्टीमा स्वागत गरेका हुन् ।
जसपाबाट निर्वाचित उनले केहिदिन अगाडि पार्टी परित्यागको घोषणा गरेकी थिइन् । उनीसहित जसपा र अन्य पार्टीका दर्जनौं नेता कार्यकर्ता कांग्रेसमा प्रवेश गरेको जिल्ला सचिव शैलेन्द्र यादवले जानकारी गराए ।
यो पटक पुनः उपाध्यक्षको टिकट नदिने भएपछि उनले जसपा छाडेकी हुन्। कांग्रेसले भने उनलाई उपाध्यक्षको टिकट दिने आश्वासन दिएर पार्टीमा ल्याएको स्रोतको दाबी छ ।
प्रतिक्रिया दिनुहोस !
