सुर्खेतमा हावाहुरीसहितको भारी वर्षा, मतदान प्रभावित
वैशाख ३०, २०७९ शुक्रबार १५:३५:०
सुर्खेत : जिल्लामा हावाहुरीसहित आएको वर्षाका कारण मतदान स्थगित भएको छ । शुक्रबार दिउँसो एक बजेसम्म मतदान कार्य भएपनि हावाहुरीसहित पानी परेपछि मतदान प्रभावित भएको हो । अहिले सुर्खेतका अधिकांश स्थानमा इन्टरेट सेवा पनि अवरुद्ध भएको छ ।
हावाहुरीले वीरेन्द्रनगरमा दर्जनाैं रुख ढलेका छन् भने विधुतका पाेल ढल्दा विधुत र नेट सुविधा अवरुद्ध भएको हो।
केहिबेर अघिदेखि पानी रोकिएकाले मतदान कार्य अघि बढाउनेबारे छलफल भइरहेको छ । सुर्खेतमा अहिलेसम्म ३० देखि ३५ प्रतिशत मत खसेको बताइएको छ।
प्रतिक्रिया दिनुहोस !
