घोराही उपमहानगरपालिकामा गठबन्धन उम्मेदवारको निरन्तर अग्रता
दाङ : घोराही उपमहानगरपालिकामा मेयरमा सत्ता गठबन्धनका उम्मेदवारले निरन्तर अग्रता कायम गरेका छन्।
मेयरमा गठबन्धनबाट माओवादी केन्द्रका हेमराज शर्मा डायमण्डले ६ हजार २०८ मत प्राप्त गर्दा एमालेका नरुलाल चौधरीले ६००१ मत ल्याएका छन्।
यस्तै उपमेयरमा गठबन्धनतर्फ कांग्रेसका भुपबहादुर डाँगीले ६ हजार ६४९ मत ल्याएका छन्।
एमालेका हुमा डिसीले ५ हजार ७७३ मत ल्याएको मुख्य निर्वाचन अधिकृतको कार्यालयले जनाएको छ।
दाङकै तुलसीपुर उपमहानगरपालिकामा भने वडा नम्बर १७ मा उम्मेदवारको निधन हुँदा मतदान नै प्रभावित भएको छ।
यहाँ जेठ ३ गते मतदानपछि उपमहानगरको मतगणना सुरु हुनेछ।