उदयपुर : उदयपुरमा कार दुर्घटनामा एकजनाको मृत्यु भएको छ।
मंगलबार राति भएको कार दुर्घटनामा परी घाइते भएका देवेन्द्र चापागाईको उपचारको क्रममा जिल्ला अस्पतालमा मृत्यु भएको हो।
मदन भण्डारी स्मृति लोकमार्गअन्तर्गत उदयपुरगढी गाउँपालिका ६ दनुवारबेसीमा कार अनियन्त्रित भइ दुर्घटना हुँदा मोरङको विराटनगर महानगरपालिका ५ चाँदनीचोकका ३४ वर्षीय देवेन्द्र चापागाईको ज्यान गएको हो ।
विरगन्जबाट विराटनगरतर्फ गएको बा.२५.च.७८१९ नम्बरको कार बैजनाथ खोलाको पक्कीपुलमा दुर्घटना भएको जिल्ला प्रहरी कार्यालयका डिएसपी सन्तोष आचार्यले बताए ।
दुर्घटनामा अन्य ४ जना घाइते भएका छन् । घाइतेको थप उपचारका लागि विराटनगर पठाइएको उनले जानकारी दिए।
कार सडकबाट १५ मिटर तल खसेको थियो। । घटनाको थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
