उदयपुर : उदयपुरको चौदण्डीगढी नगरपालिका–७ बेल्टार बजारमा विद्युत सर्ट भइ आगलागी हुँदा १० लाख बराबरको क्षति भएको छ। बिहीबार बेलुका करिव ९ बजेको समयमा स्थानीय रामचन्द्र बस्नेतको घरमा लागोलागी हुँदा नगद, जिन्सी, भौतिक संरचना गरी १० लाख बराबरको क्षति भएको हो।
आगालागीबाट घरभित्र रहेको लत्ताकपडा, फेन्सी सामान, जुत्ता चप्पल जलेर नष्ट भएको छ जिल्ला प्रहरी कार्यालयका डिएसपी सन्तोष आचार्यले जानकारी दिए।
आगो स्थानीय र दमकलको सहयोगमा इलाका प्रहरी कार्यालय बेल्टारबाट खटिएको प्रहरी टोलीलेएक घण्टापछि नियन्त्रणमा लिएको उनले बताए।
प्रतिक्रिया दिनुहोस !
