सोलुखुम्बु : सोलुखुम्बुको सल्लेरीमा बोलेरो दुर्घटना भएको छ। सोलुदुधकुण्ड नगरपालिका ५ र ६ को सीमाना नजिकको सडकबाट उकालो चढ्दै गर्दा कुकुरलाई बचाउन खोज्दा प्रदेश नं ३–०१–०२४ च ८८७८ नम्बरको बोलेरो खोल्सामा खसेको हो।
बोलेरोमा सवार ६ जनाको उद्धार गरिएको छ। घाइते हुनेहरुमा चालक सोलुखुम्बु थुलुङ दुधकोशी गाउँपालिका ७ का ३० वर्षीय विशाल खत्री, महाकुलुङ गाउँपालिका ३ की २१ वर्षीय सृष्टि राई, थुलुङ दुधकोशी गाउँपालिका ८ की ४८ वर्षीय संगीत कला राई, महाकुलुङ गाउँपालिका १ की ६९ वर्षीया मनमाया राई, थुलुङ दुधकोशी गाउँपालिका ८ का २९ वर्षीय विजय राई र ओखलढुंगाको मोलुङ गाउँपालिका ७ का ३६ वर्षीय गुरु निमा शेर्पा रहेको जिल्ला प्रहरी कार्यालय सोलुखुम्बुले जनाएको छ।
उनीहरुको जिल्ला अस्पताल फाप्लुमा उपचार भइरहेको छ।
प्रतिक्रिया दिनुहोस !
