बझाङ : जिल्लाको जयपृथ्वी नगरपालिकाले आर्थिक वर्ष २०७७/७८ मा नागरिकता नभएकालाई पनि सामाजिक सुरक्षाभत्ता वितरण गरेको पाइएको छ।
महालेखा परिक्षक कार्यालयको २०७९ को वार्षिक प्रतिवेदनमा नगरपालिकाले नागरिकता नम्बर नभएका र उमेर नपुगेका ९४ जनालाई सामाजिक सुरक्षाभत्ता वितरण गरेको पाइएको हो।
सामाजिक सुरक्षा नियमावली, २०७६ अनुसार सामाजक सुरक्षा प्राप्त गर्न योग्य नेपाली नागरिकले नियमावलीको अनुसूची १ अनुसारको वैयत्तिक विवरण भरि निवेदन पेश गर्नुपर्ने उल्लेख भए पनि जयपृथ्वी नगरपालिकामा सबै विवरण नभएका ९४ जनाको नामबाट वार्षिक ३४ लाख ८४ हजार ४ सय रुपैयाँ सामाजिक सुरक्षा भत्ता वितरण गरेको पाइएको हो।
यस्तै जयपृथ्वी नगरपालिकाले आर्थिक वर्ष ७७/७८ कोभिड १९ रोकथाम तथा नियन्त्रणको लागि १ करोड ८३ लाख ३५ हजार ३ सय ८१ रुपैंया ३३ पैशा खर्च गरेको र क्वारेन्टाइन सहयोगी ४ जनालाई राखि तलब, महँगी, भत्ता स्थानीय भत्ता र सञ्चार खर्च गरि मासिक २८ हजार २ सय जम्मा ५ लाख ७८ हजार रुपैयाँ उल्लेख गरेकोमा वर्षा रावल र लक्ष्मी खड्कालाई २०७७ साल कार्तिक महिनामा दोहोरो तलब भत्ता रकम दिइएको पाइएको छ।
प्रतिक्रिया दिनुहोस !
