बागलुङ: बागलुङ नगरपालिकामा सवारी दुर्घटनामा परि दुईजना घाइते भएका छन् ।
जिल्ला ट्राफिक प्रहरी कार्यालय बागलुङका अनुसार मालढुंगादेखि आउँदै गरेको ध २ प ३३२ नम्बरको मोटरसाइकल र विपरित दिशाबाट जाँदै गरेको ध २ प २१९७ नम्बरको मोटरसाइकल बागलुङ नगरपालिका–१ गणेशघुम्तीमा ठोक्किदा दुईजना घाइते भएका हुन्।
घाइते दुवैजनाको अवस्था गम्भीर रहेको प्रहरीले जनाएको छ ।
मोटरसाइकल चालक पर्वत कुश्मा पिपलटारीका २३ वर्षीय रोहित भुषाल र काठेखोला गाउँपालिका बिहुँका १९ वर्षीय मनिष कँडेल गम्भीर घाइते भएको ट्राफिक प्रहरी प्रमुख राजकुमार केसीले जानकारी दिए ।
गम्भीर घाइते भएका कंडेललाई धौलागिरी अस्पतालमा प्राथमिक उपचारपछि पोखरा रिफर गरिएको छ ।
अर्को घाइते भुषालको धौलागिरी अस्पतालमै उपचार भइरहेको प्रहरीले जनाएको छ।
प्रतिक्रिया दिनुहोस !
