मकवानपुर: मकवानपुर क्षेत्र नम्बर-२ का प्रतिनिधि सभा उम्मेदवार बिरोध खतिवडामाथि हातपात नभएको बाम लोकतान्त्रिक गठबन्धनका तीन दलले जनाएका छन् ।
गठबन्धनमा आवद्ध नेपाली कांग्रेस मनहरी गाउँ समिति सभापति प्रकाश बर्तौला, नेकपा माओवादी केन्द्र मनहरीका सचिव सञ्जीव पाठक र नेकपा एकीकृत समाजवादी मनहरी गाउँ कमिटिका अध्यक्ष नारायण श्रेष्ठले संयुक्त प्रेस विज्ञप्ति जारी गर्दै उम्मेदवार खतिवडामाथि कुटपिट नभएको जनाएका हुन् ।
मंगलबार दिउँसो मनहरी गाउँपालिका ४ स्थित गोलघरमा भएको चुनावी सभा स्थलमा खतिवडा पुगेका बेला मदिरा सेवन गरेका व्यक्त लडेको विषयलाई कुटपिट भनेर प्रचार गरिएको विज्ञप्तिमा उल्लेख छ ।
लडेर घाइते भएका उनलाई उद्धार गरी प्रहरीको जिम्मा लगाइएको विज्ञप्तिमा भनिएको छ ।
मकवानपुर क्षेत्र नम्बर-२ मा एकीकृत नेकपा समाजवादीका खतिवडासँग नेकपा एमालेका महेश बर्तौलासहितका उम्मेदवार चुनावी मैदानमा छन् ।
प्रतिक्रिया दिनुहोस !
