काठमाडौं : निर्वाचन आउन ८ दिन बाँकी रहँदा शीर्ष नेता चुनावी अभियानमा देश दौडाहामा रहेका छन्। प्रतिनिधिसभा र प्रदेश सभाका सदस्यका उम्मेदवारहरु पनि चुनावी प्रचार प्रसारमा छन्। आफ्ना दलका उम्मेदवारलाई भोट माग्न राजनीतिक दलका शीर्ष नेताहरु विभिन्न स्थानमा चुनावी सभामा निस्किएका हुन् ।
उनीहरुले मतदातालाई लक्षित गर्दै विभिन्न आश्वासन बाँडिरहेका छन्। यता निर्वाचनको प्रचार प्रसारका क्रममा कात्तिक २२ गतेदेखि झापा पुगेका नेकपा एमालेका अध्यक्ष एवं पूर्वप्रधानमन्त्री केपी शर्मा ओली शुक्रबार दिउँसो सुनसरीको धरान पुगेर कार्यकर्ता भेलालाई सम्बोधन गरेका थिए। 
धरानको कार्यक्रमपछि काठमाडौं फर्किएका ओली शुक्रबार राति अचानक काठमाडौंको ठमेलस्थित नाइटक्लबमा पुगेका छन्। ओली केही सहयोगीहरुसहित एलओडी नाइटक्लबमा पुगेका हुन्।
नाइटक्लबमा ओली रातो ज्याकेट र जिन्स पाइान्ट लगाएर देखा परेका थिए। उनी क्लबमा पुग्दा युवायुवतीले नेपालको झण्डा फहराएका थिए। स्टेजमा पुगेर सम्बोधन गरेका ओलीले हात हल्लाएर अभिवादनसमेत गरेका थिए।
ओलीले एलओडी पुगेर नयाँ ऱ्याप गीत सार्वजनिक गरेकोसमेत जानकारी दिए। एलओडी पुगेर ओलीले नयाँ र्याप गीत सार्वजनिक गरेको जानकारी दिए। ओलीको आफ्नो नाममा बनेको चुनाव लक्षित ‘सहर सहरमा ओली’ सार्वजनिक भएको छ। शुक्रबार नै ‘केपी बा’ नामको अर्को र्याप गीत पनि सार्वजनिक भएको थियो।
प्रतिक्रिया दिनुहोस !
