काठमाडौं : सन् १९८६ मा दक्षिण कोरियामा सम्पन्न १०औं एसियाली खेलकुदका कांस्य पदक विजेता तेक्वान्दो खेलाडी राजकुमार राईले सबै खेलाडी देशको कमान्डो भएको बताएका छन्। उनी अभिनित नेपाली चलचित्र ‘सोल अफ द कमान्डो’को ट्रिजर रिलिज तथा पत्रकार भेटघाट कार्यक्रममा बोल्दै उनले सो कुरा बताएका हुन्।
सन् १९९९ मा नेपालमै आयोजना भएको आठौं दक्षिण एसियाली खेलकुदका स्वर्ण पदक विजेता राईले भने, ‘विश्वमा देशलाई चिनाउने र राष्ट्रको झण्डा फहराउने काम त्यहाँका खेलाडीले गर्छन्। त्यसैले खेलाडीहरू हरेक देशका कमान्डो हुन्’, राईले भने।
उनले गोर्खाली सेनाको बहादुरी, साहस र जीवन संघर्षलाई आधार बनाएर नेपाली चलचित्र ‘सोल अफ द कमान्डो’ निर्माण गरिएको जानकारी दिए। उनले सन् १९९८ मा निर्माण भएको ‘द कमान्डो’ चलचित्रलाई आधार बनाएर ‘सोल अफ द कमान्डो’ निर्माण गरिएको बताए।
युवराज राईको निर्देशनमा बनेको निर्माण भएको ‘सोल अफ द कमान्डो’ मंसिर २३ गतेबाट प्रदर्शन हुँदैछ। चलचित्रमा राजकुमार राईसँगै कमला खापुङ लिम्बू, सेसुका राई, शिशिर वाङ्देल, नरेन खड्का, संगीता लावती, पुष्पा श्रेष्ठलगायतको अभिनय छ। निर्मातामा विजया राई, रवि थापा, मिलन राई र डेनी लिम्बू छन्।
एनबी महर्जन र सानुकुमार महर्जनको द्वन्द्व, सिमोन राजवंशीको कोरियोग्राफी र दीर्घ गुरुङको छायांकन छ। कार्यक्रममा नेपाल ओलम्पिक कमिटीका महासचिव निलेन्द्रराज श्रेष्ठ, नेपाल भारोत्तोलन संघका अध्यक्ष राम श्रेष्ठ, नेपाल फेन्सिङ संघका महासचिव सुजनलाल श्रेष्ठ लगायतको उपस्थिति रहेको थियो।
प्रतिक्रिया दिनुहोस !
