गठबन्धनलाई जिताउनुहोस्, हामी पाँचवर्षसम्म संसद चलाउँछौं : देउवा
![गठबन्धनलाई जिताउनुहोस्, हामी पाँचवर्षसम्म संसद चलाउँछौं : देउवा](https://annapurnapost.prixacdn.net/media/albums/sher-bahadur-prachand_20221115154412_dxc8cthmmP.jpg)
परासी : प्रधानमन्त्री एवं नेपाली कांग्रेसका सभापति शेरबहादुर देउवाले गठबन्धन टुटाउनका लागि झगडा लगाउने तत्व लागि परेको बताएका छन् । आफूहरुको बीचमा असहमति पैदा गरी गठबन्धन फुटाउन एकथरी तत्व लागेको बताउँदै त्यसका कसैले पनि चिन्ता नगर्न आग्रह गरे ।
समावेशी संविधान बचाउन गठबन्धन भएको बताउँदै देउवाले पाँचदलीय गठबन्धन चुनावपछि पनि कायम रहनेमा कसैले शंका नगर्न आग्रह गरे । लोकतान्त्रिक बाम गठबन्धनले मंगलबार नवलपरासीको बर्दघाटस्थित चौपातामा आयोजना गरेको आमसभालाई सम्बोधन गर्न पुगेका प्रधानमन्त्री देउवाले नेपालमा जस्तो समावेशी र आरक्षणसहितको संविधान अन्य कुनै देशमा नभएको दाबी गरे ।
गठबन्धनले चुनाव जितेपछि बिना कारण संसद भंग नगर्ने पनि देउवाको भनाइ थियो । 'आफ्नो विरोध हुने वित्तिकै ओलीले रिसको झोकमा विना कारण संसद भंग गरे । हुँदै नभएको अधिकार प्रयोग गरेर ओलीको जस्तो गरी हामीले संसद भंग गर्दैनौं । हामी ५ वर्ष संसद चलाउँछौं । त्यसका लागि गठबन्धनलाई जिताउन आवश्यक छ,' उनले भने ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)