डोटीमा मतगणना बेलुका ५ बजेदेखि हुने
डोटी : डोटीमा बेलुका ५ बजेदेखि मतगणना सुरू हुने भएको छ । भरखरै सम्पन्न भएको सर्वदलीय बैठकबाट सोमबार बेलुकी ५ बजेदेखि मतगणना हुने सहमति भएको हो ।
मतगणना स्थलको व्यवस्थापन गर्नुपर्ने भएकाले ५ बजेदेखि मतगणना सुरू गर्नुपर्ने भएको मुख्य निर्वाचन अधिकृत शिवलाल पाण्डेयले जानकारी दिए ।
मतगणनास्थल जिल्ला अदालत र दिपायल सिलगढी नगरपालिकाको सभाहलमा हुनेछ।
डोटीमा जम्मा मतदाता एक लाख २४ हजार आठ सय ७० रहेका छन् । जसमा ६४ हजार ५८ मत खसेका छन् । खसेकामा महिला मतदाता ३६ हजार छ सय एक र पुरूष मतदाता २७ हजार चार सय ५७ रहेका छन् ।
डोटीमा जम्मा ५१.१७ प्रतिशत मत खसेको हो। डोटीमा एक प्रतिनिधिसभा र दुईवटा प्रदेशसभा क्षेत्र रहेका छन् ।