उदयपुर : उदयपुरको क्षेत्र नम्बर २ को प्रतिनिधिसभा सदस्यमा नेकपा एमालेका अम्बरबहादुर रायमाझी विजयी भएका छन्।
लोकतान्त्रिक-वामगठबन्धनका उमेदवार नेकपा एसका उपमहासचिव एवम् प्रवक्ता जगन्नाथ खतिवडालाई २ हजार ३५८ फराकिलो मतान्तरले रायमाझीले जित निकालेका हुन्।
प्राप्त मतपरिणाम अनुसार रायमाझीले १५ हजार २५१ मत प्राप्त गरेका छन्। उनका निकटतम प्रतिद्वन्द्वी खतिवडाले १२ हजार ८९३ मत प्राप्त गरे। त्यसैगरी स्वतन्त्र उमेदवार रामकुमार राईले १० हजार ३६७ मत प्राप्त गरेका छन्।
नेकपा एमालेका १ नम्बर प्रदेश कमिटीका सचिवालय सदस्य रहेका रायमाझी विगत ३० वर्षदेखि सामाजिक अभियानमा जोडिएका छन्।
प्रतिक्रिया दिनुहोस !
