सोलुखुम्बु : हिमाली जिल्ला सोलुखुम्बुमा वर्षौदेखि प्रहरी नियन्त्रणमा रहेको एक दर्जन बेवारिसे सवारी साधन जीर्ण बन्न थालिसकेका छन् । चेकजाँचको क्रममा प्रहरीले नियन्त्रणमा लिएको बोलेरो, कार र मोटरसाइकल गरि १२ वटा सवारी साधन झण्डै ४ वर्षदेखि जिल्ला प्रहरी कार्यालय सोलुखुम्बुको नियन्त्रणमा रहेका छन् ।
नियन्त्रणमा रहेका सवारी साधनहरुमा ना ३ च ३९२९ नम्बरको बोलेरो र मे ९ प ३८२२, बा ०२०१६०/३६४३, बा ९३ प ८८९५, को २५ प ६४५०, बा ५३ प ९११७, बा ४६ प ४८०० र बा ५५प ४८३३ बा ५७ प ५२०६ नम्बरको अपाची आरटिचार, बा ४३ प ५२४२, बा ३६ प २४६५ र स ४ प ३४५४ नम्बरका हण्डा मोटर साइकल रहेको प्रहरी निरीक्षक अनिल मिश्रले जानकारी दिए । उनका अनुसार ति सवारी साधनहरुको कुनै पनि कागजात नभएको र वर्षौदेखि सवारी धनीसमेत सम्पर्कमा आएका छैनन् । 
लामो समय प्रहरी कार्यालयको खुल्ला स्थानमा राखिदा उक्त सवारी साधनहरु काम नलाग्ने अवस्थामा पुगिसकेका छन् । कतिपय खियाका कारण जीर्ण बनिसकेका छन् भने मोटरसाइकलको अधिकांश संरचनाहरु घाम/पानीले काम नलाग्ने अवस्थामा पुगिसेका छन् ।
कार्यालयले लिलाम बिक्री गरि सरकारी खातामा राजस्व दाखिला गर्न पाउने कानुनी व्यवस्था भएपनि झन्झटिलो प्रक्रियाका कारण समस्या भएको स्रोतको भनाई छ । कार्यालय परिसरमा १२ वटा बेवारिसेसहित अन्य ३२ वटा कागजात चुस्तदुरुस्त नभएका सवारी साधनहरु पनि वर्षौदेखि थन्किएका छन् । 
ट्राफिक चेकजाँचको क्रममा ४ वर्ष अघिदेखि समातिएका सवारी साधनहरु लिन नआउँदा ति सवारी साधनहरु पनि कवाडीमा परिणत भइसकेको जिल्ला ट्राफिक प्रहरी कार्यालय सोलुखुम्बुले जनाएको छ ।
प्रतिक्रिया दिनुहोस !
