खाना नपकाएको निहुँमा कुटपिट हुँदा श्रीमतीको मृत्यु, श्रीमान् पक्राउ
पुष २७, २०७९ बुधबार १०:५५:०
झापा : खाना नपकाएको निहुँमा श्रीमानको कुटपिटबाट श्रीमतीको मृत्यु भएको छ ।
मादक पदार्थ सेवन गरी मातेका विश्वराजले श्रीमती प्रमीलाको पेट र छातिमा निर्घात कुटपिट गर्दा उनको मृत्यु भएको प्रहरी कार्यालय झापाका डीएसपी वसन्त पाठकले जानकारी दिए ।
घरमा उपचारका लागि विश्वराजकी आमा आएकी थिइन्।
मंगलबार साँझ आमाका लागि मासु किनेर घर जाँदा बिहानेदेखिको भाँडा नमाझेको र बेलुकाको खाना पनि नपकाएको निहुँमा विश्वराजले श्रीमतीमाथि कुटपिट गरेको देखिएको प्रहरीको प्रारम्भिक अनुसन्धानले देखाएको छ।
यता घटना भएलगतै इलाका प्रहरी कार्यालय बिर्तामोडको टोलीले विश्वराजलाई पक्राउ गरेको छ । उनलाई आवश्यक कारबाहीका लागि बिर्तामोडमा राखिएको छ । विश्वराजको जेठी श्रीमतीबाट दुई छोराछोरी छन् भने मृतक प्रमीलाको पनि पहिलाको श्रीमानबाट एक छोरा र एक छोरी र अहिलेको श्रीमान्बाट आठ वर्षीय छोरी रहेको प्रहरीले जनाएको छ।
प्रतिक्रिया दिनुहोस !
