विराटनगर :मोरङको दुई छुट्टाछुट्टै स्थानबाट प्रतिबन्धित लागूऔषधसहित प्रहरीले ३ जनालाई नियन्त्रणमा लिएको छ ।
झापाको गौरादह घर भएका खडका मङ्गलबार दिउँसो करिब ३ बजे विराटनगर–१६ स्थित दक्षिण गेटबाट पक्राउ परेका हुन् । भारतबाट नेपालतर्फ आउँदै गरेको अवस्थामा चेकजाँच गर्दा उनको साथबाट प्रहरीले प्रतिबन्धित औषधि बरामद गरेको छ ।
खड्काको साथबाट ४/४ एम्पुलको मात्रामा लुपिजेसिक,ऐभिल,फेनारागन र डाइजोपाम बरामद गरिएको मोरङ प्रहरीका प्रवक्ता डीएसपी दीपक श्रेष्ठले बताए ।
यसैगरी मोरङको सुन्दरहरैँचा घर भएका लामिछाने र धनकुटाको चौबिसे घर भएका लिम्बू भने विराटनगर–१५ बाट पक्राउ परेका हुन् ।
भारतबाट नेपालतर्फ आउँदै गरेको प्रदेश १–०२–०४६ प ३९७५ नम्बरको स्कुटरलाई चेकजाँच गर्दा लागूऔषध फेला परेपछि चालक लामिछाने र सवार लिम्बू दुवैलाई नियन्त्रणमा लिएको प्रहरीले जनाएको छ ।
प्रहरीका अनुसार उनीहरुको साथबाट १०० मिलिलिटरको डायलेक्स डीसीको बोतल बरामद गरिएको छ । पक्राउ परेका उनीहरुमाथि लागूऔषध ओसारपसारको कसुरमा थप अनुसन्धान भइरहेको जनाइएको छ ।
प्रतिक्रिया दिनुहोस !
