जनकपुरधाम : चालू आर्थिक वर्ष २०७९/०८० को ६ महिनामा मधेस प्रदेश सरकारको विकास खर्च निराशाजनक देखिएको छ। मधेस सरकारले चालू आवको ६ महिनामा (साउनदेखि पुस) सम्ममा विकास बजेटको ३ अर्ब ६६ करोड ९५ लाख ६५ हजार ६ सय ७० रुपैयाँ मात्र खर्च गर्न सकेको छ। ४३ अर्ब २१ करोड १३ लाख ८० हजार ३ सय २९ रुपैयाँ मौज्दात छ। यो कुल बजेटको ८.९५ प्रतिशतमात्र खर्च हो।
जिल्लागत खर्च
प्रदेश कोष तथा लेखा नियन्त्रक कार्यालयले मधेस प्रदेश सरकारले ६ महिनामा चालू र पुँजीगतमा धनुषा जिल्लामा १ अर्ब ५९ करोड ३८ लाख ९८ हजार ५ सय ५१ खर्च भएको छ भने २५ अर्ब ५३ करोड ८३ लाख ५५ हजार ४ सय ४९ मौज्दात छ।सप्तरीमा २७ करोड ३० लाख ८६ हजार ३ सय ४६ खर्च भएको छ, भने २ अर्ब ३६ करोड ३ लाख ५७ हजार ४ सय ८८ मौज्दात छ। सिरहामा २१ करोड ६६ लाख ६८ हजार ५ सय ४३ खर्च भएको छ भने ४ अर्ब ७५ करोड ७४ लाख १४ हजार ९ सय ८० मौज्दात छ।
महोत्तरीमा १९ करोड ३९ लाख ६६ हजार ८ सय ४४ खर्च भएको छ भने, १ अर्ब ४० करोड ९१ लाख ८४ हजार ३४ मौज्दात छ। सर्लाही ३८ करोड ९२ लाख ३३ हजार ५ सय ३४ बजेट खर्च भएको छ भने, १ अर्ब ९६ करोड ७८ लाख ६३ हजार २ सय ४ मौज्दात छ। रौतहटमा २६ करोड १ लाख ४६ हजार ५ सय ३५ बजेट हुँदा २ अर्ब १८ करोड ४२ लाख ८० हजार २ सय ८१ मौज्दात छ। बारामा ३० करोड १४ लाख ५१ हजार ३ सय ८२ खर्च हुँदा १ अर्ब ३६ करोड ८८ लाख ७५ हजार ४ सय ६८ मौज्दात छ। त्यस्तै पर्सामा ४४ करोड ११ लाख १३ हजार ९ सय ३३ रुपैयाँ खर्च हुँदा ३ अर्ब ६२ करोड ५० लाख ४९ हजार ४ सय २४ अझै मौज्दात छ।
मन्त्रालयगत खर्च
मुख्यमन्त्री तथा मन्त्रिपरिषद्को कार्यालयले ६ करोड ३ लाख १४ हजार २ सय ६३ बजेट खर्च गरेको छ, भने १ अर्ब ४२ करोड ८५ लाख ७६ हजार ७ सय ३७ मौज्दात छ। अर्थ मन्त्रालयले ३ करोड ३७ लाख ३१ हजार ३३ खर्च गर्दा २१ करोड ५३ लाख १३ हजार ९ सय ६७ अझै मौज्दात छ। उद्योग, पर्यटन तथा वन मन्त्रालयले ३८ करोड ३६ लाख ४२ हजार ५ सय ५९ बजेट खर्च गर्दा ४ अर्ब ४७ करोड २८ लाख १७ हजार ५ सय ४१ मौज्दात छ। कानुन, न्याय तथा प्रदेशसभा मामिला मन्त्रालयले १ करोड ४ लाख २३ हजार १ सय ९९ खर्च गर्दा ४ करोड २९ लाख ४ हजार ८ सय १ मौज्दात छ।
भूमि व्यवस्था, कृषि तथा सहकारी मन्त्रालयले १३ करोड ४२ लाख ९४ हजार ९ सय ४० खर्च गर्दा २ अर्ब ६० करोड ८२ लाख ५ हजार ६० मौज्दात छ। त्यस्तै, खानेपानी तथा ऊर्जा विकास मन्त्रालयले २५ करोड ८२ लाख ९४ हजार ५ सय ५८ खर्च गरेकोमा १ अर्ब ४३ करोड ३ लाख ७६ हजार ४ सय ४२ मौज्दात छ। गृह तथा सञ्चार मन्त्रालयले ५ करोड १८ लाख ८२ हजार २ सय ८२ खर्च गर्दा ५९ करोड १४ लाख ३७ हजार ७ सय १८ मौज्दात छ। मन्त्री नै नरहेको वाणिज्य, आपूर्ति तथा विज्ञान प्रविधि मन्त्रालयले हालसम्म २८ लाख ६८ हजार १ सय ४८ खर्च गरेको छ भने २ करोड ३१ लाख ४५ हजार ८ सय १२ मौज्दात छ।
त्यस्तै, भौतिक पूर्वाधार विकास मन्त्रालयले चालू आर्थिक वर्षको पछिल्लो ६ महिनामा १ अर्ब १ करोड २ लाख ३४ हजार ५ सय ५३ खर्च गरेको छ। १७ अर्ब २१ करोड ४८ लाख २९ हजार ४ सय ४७ मौज्दात छ। महिला बालबालिका, युवा तथा खेलकुद मन्त्रालयले २ करोड ९६ लाख ३३ हजार २३ खर्च गरेको छ। ५९ करोड २ लाख २३ हजार ९ सय ७७ मौजदात छ।
प्रतिक्रिया दिनुहोस !
