घरायसी विवादमा छोराले गरे बाबुको हत्या
रौतहट : चन्द्रपुरमा छोराले बाबुको हत्या गरेका छन् । घरायसी विवादमा चन्द्रपुर नगरपालिका –६ का ३२ वर्षीय प्रकाश राईले बिहीबार राति बुबाको हत्या गरेका प्रहरीले जनाएको छ ।
राईले दाउराको चिर्पटले टाउकोमा प्रहार गरेर ५५ वर्षीय बुबा निरकुमार राइको हत्या गरेको प्रहरीले जनाएको छ । बाबुको हत्या गरेको आरोपमा राईलाई राति नै प्रहरीले हिरासतमा लिएर अनुसन्धान थालेको डीएसपी सन्तुप्रसाद जयसवारले जानकारी दिए।
बाबु र छोराबीच राति विवाद हुँदा छोरा प्रकाशले दाउराको चिर्पटले हानेका थिए ।
इलाका प्रहरी कार्यालय चन्द्रनिगाहपुरले प्रकाशलाई नियन्त्रणमा लिएको प्रहरीले जनाएको छ।