राष्ट्रपति रनिङ शिल्डको उपाधि त्रिभुवन आर्दशलाई

स्याङ्जा: पुतलीबजार नगर स्तरीय राष्ट्रपति कपको उपाधि त्रिभुवन आदर्श नमूना माध्यमिक विद्यालयले हात पारेको छ। उपाधिसँगै विद्यालयले रनिङ शिल्डसहित विभिन्न प्रतिस्पर्धाका पदक प्राप्त गरेको छ। 

पुतलीबजार नगरपालिका १ स्थित मालेबगर खेलमैदानमा यही माघ २५ गतेदेखि पाँचौ राष्ट्रपति रनिङ शिल्ड प्रतियोगिता सुरु भएको थियो।
 

प्रतियोगितामा सदरमुकाम अर्थात पुतलीबजार नगरपालिका १ स्थित त्रिभुवन माविले २६ अंकसहित प्रथम भएको छ भने २५ अंकसहित ज्योती आवासीय मावि द्वितीय भएको छ।
 
यसैगरी, पुतलीबजार नगरपालिका ६ स्थित हिमालयन मावि टक्सार २३ अंक सहित तृतीय भएको छ भने पुतलीबजार २ स्थित रोशनी आवासीय मावि १९ अंकसहित चौथो भएको प्रतियोगिता संचालन समितिका संयोजक बाबुराम बरालले जानकारी दिए।