काठमाडौं: ‘नेपालमा शिक्षण, सिकाइ र मूल्याङ्कन प्रणालीमा समावेशीता र गुणस्तरको विकास’ भन्ने नाराका साथ छैठौं शैक्षिक गोष्ठी सम्पन्न भएको छ।
ब्रिटिस काउन्सिल नेपालले आयोजना गरेको शैक्षिक गोष्ठी नेपालको विद्यालय शिक्षा क्षेत्र योजना, नेपालको शिक्षा नीति २०१९ र २१औं शताब्दीको विद्यालय शिक्षा प्रणालीका प्राथमिकता, गुणस्तरीय विद्यालय शिक्षालगायतका विषयका केन्द्रित भयो।
शिक्षा विज्ञान तथा प्रविधि मन्त्रालयका सचिव रामप्रसाद सुवेदीले गोष्ठीका मुख्य ४ विषयलाई मन्त्रालयले हाल विकास गरिरहेको नयाँ विद्यालय शिक्षा क्षेत्र योजनामा राम्ररी प्रतिबिम्बित गराएको बताए।
ब्रिटिस काउन्सिल नेपालका कन्ट्री डाईरेक्टर म्याकडुगलले नेपालमा ६४ वर्षभन्दा बढी समयदेखि शिक्षा, भाषा सीप, कला र युवा विकासका क्षेत्रमा लाखौं मानिससँग आबद्ध रहेर काम गरेको बताए।
कार्यक्रममा नेपालमा शिक्षक शिक्षा र विकासको अवस्थाबारे अनुसन्धान प्रतिवेदन पनि सार्वजनिक गरिएको छ।
प्रतिक्रिया दिनुहोस !
