विराटनगर : कोशी प्रदेशमा गहुँ उत्पादनमा सामान्य वृद्धि भएको छ । मौसम अनुकूल भएपनि रसायनिक मलको अभावले अपेक्षाकृत वृद्धि नभएको हो । गत वर्षको तुलनामा कोशी प्रदेशमा यस वर्ष ९३ दशमलव ८८ मेट्रिकटन बढि गहुँ उत्पादन भएको हो ।
गत वर्ष १ लाख ४१ हजार ८सय २८ मेट्रिक टन गहुँ उत्पादन भएको थियो । यस वर्ष ५७ हजार ४ सय ८९ दशमलव ५० हेक्टर क्षेत्रफलमा लगाएको गहुँ खेतिबाट कोशी प्रदेशमा १ लाख ४१ हजार ९ सय २१ दशमलव ८८ मेट्रिक टन गहुँ उत्पादन भएको कृषि विकास निर्देशनालय विराटनगरले जनाएको छ ।
अन्नको भण्डार मानिने कोशी प्रदेशको तराई जिल्लामा गहुँ उत्पादनका लागि अनुकूल मौसम भए पनि रासायनिक मल अभाव र सिंचाइ कमीले अपेक्षाकृत वृद्धि नभएको कृषि विकास निर्देशनालय विराटनगरका कृषि अर्थविज्ञ नेत्रमणी काफ्ले जानकारीले दिए ।
काफ्लेका अनुसार गहुँ रासायनिक मल अनिवार्य प्रयोग गर्नुपर्ने भएकाले मल अभावले गहुँ उत्पादन गर्न नसकेको हो । झापा ,मोरङ र सुनसरीमा गुहँ उत्पादन सिंचाइ र मल खादकै अभावमा कम भएको हो । सुनसरीमा ४१ हजार २ सय १३ मेट्रिक टन गहुँ उत्पादन भएको छ ।
गत वर्षको तुलनामा यस वर्ष सुनसरीमा १८ मेट्रिक टन उत्पादन बढि भएको हो । त्यसैगरी कोशी प्रदेशमा सबभन्दा कम भोजपुरमा ७ सय १८ मेट्रिक टन गहुँ उत्पादन भएको छ । जुन गत वर्षको तुलनामा ३० मेट्रिक टन गहुँ उत्पादन कम भएको निर्देशनालयले जनाएको छ ।
त्यस्तै झापामा यस वर्ष उत्पादन वृद्धि भएको छ । यस वर्ष १४ हजार ८ सय ५० मेट उत्पादन भएको छ । गत वर्ष झापामा १३ हजार ५सय मेट उत्पादन भएको थियो । मोरङमा पनि गहुँ उत्पादनमा वुद्धि भएको छ । गत वर्ष २८ हजार १ सय ८७ मेट उत्पादन भएकोमा यस वष २८ हजार ५सय ७६ मेट गहुँ उत्पादन भएको छ ।
त्यस्तै संखुवासाभामा १६ सय ४९ मेटिक टन ,ताप्लेजुङ्गमा २ हजार ८ सय ९६ ,सोलुखुम्बुमा ४ हजार ३ सय १२ मेट्रिक टन गहुँ उत्पादन भएको हो।
त्यसैगरी पाचँथरमा ६ हजार ४ सय ३७ दशमलव ४८ ,इलाम ११ हजार ६ सय ८२ ,तेह्रथुम ४ हजार १ सय मेट्रिकटन गहुँ उत्पादन भएको छ । त्यसैगरी धनकुटा २ हजार ७ सय ,उदयपुरमा १२ हजार ८ सय २७ , ओखलढुङ्गा ३ हजार ३ सय १० र खोटाङमा ६ हजार ६सय २८ मेट्रिक टन गहुँ उत्पादन भएको निर्देशनालयले जनाएको छ।
प्रतिक्रिया दिनुहोस !
