साउदी अरबको अमेरिकी वाणिज्य दूतावासबाहिर गोली चल्दा एक नेपालीको मृत्यु
असार १४, २०८० बिहीबार ८:५७:१०
साउदी अरेबियाको जेद्दामा भएको अमेरिकी वाणिज्य दूताबासबाहिर गोली चल्दा एक नेपालीसहित दुई जनाको मृत्यु भएको छ।
काठमाडौं : साउदी अरेबियाको जेद्दामा भएको अमेरिकी वाणिज्य दूताबासबाहिर गोली चल्दा एक नेपालीसहित दुई जनाको मृत्यु भएको छ।
बन्दरगाह सहर जेद्दामा रहेको वाणिज्य दूतावास नजिकै भएको उक्त हमलामा बन्दुकधारी र एक नेपाली सुरक्षा गार्डको मृत्यु भएको समाचार अलजजिरामा छ। मृतकको थप परिचय भने समाचारमा खुलाइएको छैन।
साउदी प्रेस एजेन्सी (एसपीए) ले पनि अमेरिकी वाणिज्य दूतावासको निजी सुरक्षामा खटिएका नेपाली सुरक्षा गार्डको मृत्यु भएको जनाएको छ।
गोलीबारीमा अमेरिकी नागरिक घाइते नभएका अमेरिकी विदेश मन्त्रालयले जनाएको छ। घटनाको थप अनुसन्धान भइरहेको जनाइएको छ।
प्रतिक्रिया दिनुहोस !
