ढल्केवर(धनुषा) : धनुषामा खोलामा आएको बाढीमा डुबेर एक बालकको मृत्यु भएको छ।
धनुषाको मिथिला नगरपालिका–२ स्थित बसही खोलामा आएको बाढीमा डुबेर मिथिला नगरपालिका–१ आनन्दपुरका अन्दाजी १७ वर्षीय अजय यादवको मृत्यु भएको प्रहरीले जनाएको छ।
मंगलबार बिहान शौच गर्न खोला किनारमा पुगेका यादव चिप्लेर खोलामा डुबेको इलाका प्रहरी कार्यालय महेन्द्रनगरका प्रहरी निरीक्षक दीपक कार्कीले जानकारी दिए।
स्थानीयको सहयोगमा सुरक्षाकर्मीले उद्धार गरी महेन्द्रनगरस्थित अस्पतालमा पुर्याएको भए पनि गम्भीर अवस्थाका यादवको उपचारका क्रममा मृत्यु भएको प्रहरी निरीक्षक कार्कीले बताए।
शव पोष्टमार्टमका लागि प्रादेशिक अस्पताल जनकपुरधाम पठाइएको इलाका प्रहरी कार्यालय सखुवा महेन्द्रनगरले जनाएको छ।
प्रतिक्रिया दिनुहोस !
