काठमाडौं : सिंहदरवारमा मन्त्रिपरिषद् बैठक सुरु भएको छ। बैठकमा सरकारका काम कारबाहीका साथै मन्त्रालयगत नियमित एजेण्ड र अमेरिका भ्रमणमा रहँदा गरिने काम र जाने प्रतिनिधिमण्डलको विषयमा पनि छलफल हुनेछ।
यस अगाडिको मन्त्रिपरिषद्को बैठकले संयुक्त राष्ट्रसंघको ७८ औं महासभामा भाग लिन प्रधानमन्त्री पुष्पकमल दाहाल 'प्रचण्ड'को अमेरिका भ्रमण स्वीकृत गरेको थियो।
आगामी सेप्टेम्बर ५ तारिखदेखि अमेरिकाको न्यूयोर्कमा राष्ट्रसंघको महासभा सुरु हुँदैछ। प्रधानमन्त्री प्रचण्ड नेपाली प्रतिनिधिमण्डलको नेतृत्व गर्दै महासभामा भाग लिने परराष्ट्र मन्त्रालयले जनाएको छ।
प्रतिक्रिया दिनुहोस !
