ढल्केवर : महोत्तरी प्रहरीले भन्सार छलिका ठूलो मात्रामा अवैध सामान बरामद गरेको छ । मंगलबार सिरहाको लहानबाट काठमाडौंतर्फ जाँदै गरेको ना ८ ख ३१९७ न.को मिनि ट्रकलाई विशेष सूचनाको आधारमा महोत्तरीको बर्दिबास—३ कालापानीस्थित रोकेर चेकजाँच गर्दा अबैध सामान बरामद भएको जिल्ला प्रहरी कार्यालय महोत्तरीले जनाएको छ ।
जिल्ला प्रहरी कार्यालय महोत्तरीबाट खटिएका सादा पोशाकमा गएको प्रहरी टोलीले ट्रक चेकजाँच गर्दा उक्त ट्रकमा काजु १०० डिब्बा, जिरा ३०० किलो, चामल १८ बोरा, भुजा ४१ बोरा, च्यूरा ६ बोरा र २०० काटुन चकलेट बरामद भएको महोत्तरीका प्रहरी प्रवक्ता प्रहरी नायव उपरीक्षक दिलिप कुमार गिरीले जानकारी दिए ।
उनका अनुसार २५ लाख २७ हजार ३०० बराबरको सामान बरामद भएको हो । बरामद भएका सामानका साथै ट्रक र ट्रक चालक सिन्धुलीगढी गाउँपालिका -६ बस्ने ३३ वर्षीय गंगाबहादुर दर्जी समेतलाई नियन्त्रणमा लिइ आवश्यक कारबाहीको लागि जलेश्वर भन्सार कार्यालय मलिवारा पठाउने प्रक्रिया अघि बढाइएको प्रहरी नायव उपरीक्षक गिरीले बताए ।
प्रतिक्रिया दिनुहोस !
