स्वीटजरल्याण्डले दिने ६५ करोड रुपैयाँ अनुदान स्वीकृत
![स्वीटजरल्याण्डले दिने ६५ करोड रुपैयाँ अनुदान स्वीकृत](https://annapurnapost.prixacdn.net/media/albums/prachanda-mantri-parisad_oqdkZ76imy_WGIRsqgerk.jpg)
काठमाडौं : सरकारले प्राविधिक शिक्षाको क्षेत्रमा स्वीटजरल्याण्ड सरकारले प्रदान गर्ने स्वीसफ्र्याङ्क ४.४६५ मिलियन (करिब ६५ करोड रुपैयाँ) अनुदान स्वीकृत गरेको छ।
आज बिहान बसेको मन्त्रिपरिषद बैठकले स्वीटजरल्याण्ड सरकारले दिने अनुदान स्वीकृत गर्ने निर्णय भएको सञ्चार तथा सूचना प्रविधि मन्त्री रेखा शर्माले जानकारी दिइन् ।
यसैगरी ऊर्जा मन्त्रालयका सचिव दिनेश कुमार घिमिरेले दिएको राजीनामा स्वीकृत गरेको छ। उनले पदावधि सकिनुभन्दा एक महिना अगाडि नै राजीनामा दिएका थिए ।
बैठकले सुनको अवैध तस्करीबारे जाँचबुझ गठन गर्न भएको आयोगको माग बमोजिम चार जना प्राविधिक जनशक्ति थप गर्ने निर्णय पनि गरेको शर्माले जानकारी दिइन् । यसैगरी विद्युत सुशासन आयोगको सदस्य पदमा कञ्चनपुर निवासी पूर्णबहादुर कुँवरलाई नियुक्त गर्ने निर्णय पनि भएको छ।
यो पनि पढ्नुहोस
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)