हमासद्वारा बन्धकको तेस्रो समूह रेडक्रसलाई हस्तान्तरण

इजरायलले गर्‍यो थप ३९ जना प्यालेस्टिनी बन्दी रिहा

हमासद्वारा बन्धकको तेस्रो समूह रेडक्रसलाई हस्तान्तरण
सुन्नुहोस्

प्यालेस्टिनी इस्लामिक रेजिस्टेन्स मुभमेन्ट (हमास) ले आइतबार एक विज्ञप्ति जारी गर्दै इजरायली र विदेशी बन्धकको तेस्रो समूह रेडक्रसलाई हस्तान्तरण गरेको हमासको गाजास्थित अल–कासम ब्रिगेड्सले जनाएको छ । 

यसपहिले इजरायली डिफेन्स फोर्सेज (आइडीएफ) ले आफ्नो एक्स (ट्वीटर) अकाउन्टमार्फत दिएको जानकारीमा बन्धकको दोस्रो समूहका १७ जनालाई रेडक्रसको जिम्मा लगाएको पुष्टि गरेको थियो ।  आइडीएफले लेखेको छ, '१३ जना इजरायली र चार जना थाईसहित १७ जना बन्धकहरू इजिप्ट हुँदै इजरायलतर्फ लागेका छन् । 

यसपहिले इजरायलले अस्थायी युद्धविरामको तेस्रो दिन आफ्ना देशका थप १३ बन्धकहरू रिहा हुने तयारी भइरहेको जनाएको थियो । आइतवार मुक्त गर्ने भनिएका बन्धकहरूको तेस्रो समूहको सूची समेत इजरायलले शनिबार राती नै प्राप्त गरेको जनाएको थियो ।

अस्थायी युद्धबिरामको लागि मध्यस्थता गरेको कतारले तेस्रो समूहमा सातजना विदेशी नागरिक समेत १३ जना रिहा हुने बताएको थियो ।

यसअघि दोस्रो चरणमा शनिवार ढिलो गरी हमास नियन्त्रणमा रहेका थप १३ जना इजरायली र चार जना थाई बन्धकहरू रिहा गरिएका थिए । इजरायलले समेत थप ३९ जना प्यालेस्टिनी बन्दी रिहा गरेको जनाएको छ । 

कतारले मध्यस्थता गरेको इजरायल–हमासबीचको चार दिने अस्थायी युद्धविराम र बन्दी साटफेर गर्ने सम्झौताअन्तर्गत हमासले छाड्ने इजरायली बन्धकहरूको तेबर सङ्ख्यामा इजरायलले प्यालेस्टिनी बन्दीहरू छाड्ने गरेको छ ।

युद्धविराम लागू भएपछि शुक्रबार १३ जना महिला र बालबालिका बन्धकहरूको पहिलो समूह इजिप्ट हुँदै इजरायलतर्फ फर्किएको थियो । रासस


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.