जोमसोम : मुस्ताङ सदरमुकाम जोमसोममा निर्माणाधीन कभर्ड हल बजेट अभावका कारण अलपत्र परेको छ। २०७६/०७७ सालदेखि निर्माण सुरु गरिएको जोमसोम कभर्ड हलको पर्याप्त बजेट सुनिश्चित नहुँदा निर्माणकार्य सुस्त बनेको हो ।
सरकारले दिर्घकालिन महत्वको ‘एक स्थानीय तह एक खेलग्राम’सहितको कभर्ड हल पूर्वाधार निर्माणका लागि वहुवर्षिय योजना अघि बढाएको थियो। जोमसोममा निर्माण हुने २ तले सुविधा सम्पन्न कभर्ड हल निर्माणको लागत ६ करोड ५८ लाख तय गरिएको थियो।
संघ, प्रदेश र स्थानीय तहको लागत साझेदारीमा निर्माण हुँदै गरेको कभर्ड हलको निर्माण अहिले ठप्प छ। समयमै बजेट सुनिश्चिता नहुने र बजेट विनियोजनको रकम योजनाको लागत अनुपातमा ज्यादै न्यून हुँने भएकाले जोमसोम कभर्ड हल निर्माणले गति लिन नसकेको हो।
योजना सञ्चालन भएको ४ वर्ष बितिसक्दा पनि यसको भौतिक प्रगति ३५ प्रतिशत मात्र रहेको छ। संघ तथा प्रदेश सरकारबाट बर्सेनि विनियोजन हुने टुक्रे बजेटका कारण कभर्ड हल निर्माणमा विलम्ब भएको हो ।
प्रतिक्रिया दिनुहोस !
