निषेधित क्षेत्र तोडेपछि गोविन्द केसीसहित ९ जना माइतीघरबाट पक्राउ
पुष २१, २०८० शनिबार १२:४७:५०
काठमाडौं : डाक्टर गोविन्द केसीसहित ९ जना माइतीघर मण्डलाबाट पक्राउ परेका छन् । विभिन्न मागसहित माइतीघरमा प्रदर्शनमा उत्रिएका केसी र उनका समर्थकलाई प्रहरीले पक्राउ गरेको काठमाडौं प्रहरी परिसरले जनाएको छ।
सशस्त्र द्वन्द्वकालका पीडितलाई न्याय देउ, माइतीघरको निषेधाज्ञा खारेज गर, सशस्त्र द्वन्द्व पीडितलाई न्याय र सवै नेपाली हरुको स्वास्थ्य सेवा र शिक्षामा समान पहुँच लगायत सुशासन का लागि अभियान लगायतका नारा लेखिएको प्ले कार्डसहित उनीहरुले प्रदर्शन गरेका थिए।
उनीहरुले केसीसँगको विगतका सम्झौता कार्यान्वयन हुनुपर्ने, विश्वविद्यालय र प्रतिष्ठानहरुमा राजनीतिक भागबन्डाको अन्त्य गरी योग्यताका आधारमा पदाधिकारी नियुक्ति गर्नुपर्ने लगायतका माग राखेका थिए।
सरकारले माइतिघर, नयाँ बानेश्वर, बालुवाटार, महाराजगन्ज लगायतका विभिन्न स्थानमा निषेधाज्ञा जारी गरेको छ।
प्रतिक्रिया दिनुहोस !
