चन्द्रगिरी नगरपालिकाका असिष्टेन्ट सव-इन्जिनियर पन्तविरुद्ध भ्रष्टाचार मुद्दा दायर
पुष २२, २०८० आइतबार १३:४७:१५
काठमाडौं : चन्द्रगिरी नगरपालिकाका असिष्टेन्ट सव -इन्जिनियर पन्तविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले चन्द्रगिरी नगरपालिका -१४ नयाँ नैकपास्थित वडा कार्यालयमा कार्यरत असिष्टेन्ट सव- इन्जिनियर विजया लक्ष्मी पन्तविरुद्ध भ्रष्टाचार मुद्दा दायर गरेको हो।
अख्तियारका सहायक प्रवक्ता देवीप्रसाद अर्यालले असिष्टेन्ट सव-इन्जिनियर पन्तले भवन निर्माण सम्पन्न भएको प्रमाणपत्र दिने क्रममा सेवाग्राहीसँग घुस लिएको पुष्टि हुन आएकाले आइतबार विशेष अदालत काठमाडौंमा आरोप-पत्र दायर गरिएको बताए।
आयोगको टोलीले केही दिनअघि पन्तलाई सेवाग्राहीबाट २५ हजार रुपैयाँ घुस लिइसकेको अवस्थामा पक्राउ गरेको थियो। उनीविरुद्ध सजायसहित २५ हजार रुपैयाँ मागदावी गरिएको अख्तिायरले जनाएको छ।
प्रतिक्रिया दिनुहोस !
