हेटौंडा : तीन महिनादेखि आइसीयूमा उपचाररत ६५ वर्षीया फुलमाया राईलाई मानव सेवा आश्रम हेटौंडाले उद्धार गरेको छ। मंगलबार हेटौंडा उपमहानगरपालिकाको समन्वयमा उनको उद्धार गरिएको हो।
ठेला चलाएर जीवनयापन गर्दै आएकी फुलमायाको हेरचाह र पालनपोषण गर्ने कोही नभएको हेटौंडा उपमहानगरपालिका प्रमुख मीना कुमारी लामाले बताइन्। दैनिक जीवन निर्वाहका लागि ठेला चलाउँदै आएकी फुलमायाको मुटुमा समेत समस्या रहेको हेटौंडा अस्पतालले जनाएको छ।
हेटौंडा उपमहानगरपालिका-१० मा बसोबास गर्ने उनी डेढ महिनादेखि अस्पतालमा उपचाररत थिइन्। आजदेखि उनको हेरचाह, उपचार र पालनपोषण आश्रमले नै गर्ने मानव सेवा आश्रमका प्रदेश संयोजक होमनाथ पौडेलले बताए।
आश्रमले २०६९ सालदेखि देशभर रहेका सडकमा जीवन बिताउन बाध्य अनाथ,अपांगता भएका व्यक्ति र असहायलाई सेवा प्रदान गर्दै आएको छ।
प्रतिक्रिया दिनुहोस !
