बागलुङ : १२ औं जिल्ला स्तरीय राष्ट्रपति रनिङ शिल्ड बागलुङ नगरपालिकाले जितेको छ। बागलुङ नगरपालिकाले २७ स्वर्ण, १९ रजत र १६ काश्यसहित कुल ६२ पदक जित्दै राष्ट्रपति रनिङ शिल्ड हात पार्न सफल भएको हो।
बागलुङ नगरले एथलेटिक्समा ४ स्वर्ण, ५ रजत र ५ काश्य पदक जितेको छ भने भलिबलमा एक रजत, कबड्डीमा एक रजत, तेक्वान्दोमा ३ स्वर्ण, ६ रजत, ५ काश्य, उसुमा ७ स्वर्ण, ३ रजत, कराँतेमा ३ स्वर्ण ३ रजत र ६ काश्य पदक जितेको छ।
यस्तै ११ स्वर्ण सहित ३८ पदक जितेको बडिगाड गाउँपालिका दोस्रो भएको छ। बडिगाडले ११ स्वर्ण, १४ रजत र १३ काश्य गरि ३८ पदक जितेको जिल्ला खेलकुद विकास समिति बागलुङका अध्यक्ष कुमार खड्काले बताए।
बडिगाडले भलिबलमा एक स्वर्ण, कबड्डीमा २ स्वर्ण, तेक्वान्डोमा ४ स्वर्ण, २ रजत, २ काश्य, उसुमा २ स्वर्ण, ३ रजत, १ काश्य, कराँतेमा ३ स्वर्ण, ४ रजत र ३ काश्य र एथलेटिक्समा ५ रजत र ७ काश्य पदक जितेको छ।
यस्तै काठेखोला गाउँपालिकाले २० पदक जित्दै तेस्रो भएको छ। काठेखोला गाउँपालिकाले ५ स्वर्ण, ६ रजत र ९ काश्य पदक जितेको छ। निसीखोला गाउँपालिकाले ४ स्वर्ण, १० रजत र ४ काश्य सहित १८ पदक जितेको छ।
जैमिनी नगरपालिकाले ४ स्वर्ण, ५ रजत र ४ काश्य गरि १३ पदक जितेको छ। गलकोट नगरपालिकाले ३ स्वर्ण, ६ रजत र ८ काश्य सहित १७ पदक जितेको छ। ढोरपाटन नगरपालिकाले ६ स्वर्ण, १ रजत र ५ काश्य सहित १२ पदक जितेको छ।
ताराखोला गाउँपालिकाले ३ स्वर्ण, ८ रजत र १ काश्य सहित १२ पदक जितेको छ। बरेङ गाउँपालिकाले १ स्वर्ण, २ रजत र ५ काश्य गरि ८ पदक जितेको छ। तमानखोला गाउँपालिकाले एक काश्य मात्र जित्न सफल भएको छ।
जिल्ला खेलकुद विकास समितिको आयोजनामा सम्पन्न भएको प्रतियोगितामा ४ सय बढी विद्यार्थीहरु सहभागी भएका थिए। प्रतियोगिताका स्वर्ण विजेता खेलाडीहरुले गण्डकी प्रदेशस्तरीय राष्ट्रपति रनिङ शिल्ड प्रतियोगितामा सहभागिता जनाउने जिल्ला खेलकुद विकास समिति बागलुङका अध्यक्ष खड्काले जानकारी दिए।
प्रतिक्रिया दिनुहोस !
