अजरबैजान पठाइदिने भन्दै ३३ लाख रकम लिइ फरार कन्सलटेन्सी सञ्चालक पक्राउ
![अजरबैजान पठाइदिने भन्दै ३३ लाख रकम लिइ फरार कन्सलटेन्सी सञ्चालक पक्राउ](https://annapurnapost.prixacdn.net/media/albums/Ramsaran-siwakoti_2iZNaZkcuY_k2myUeO4YU.jpg)
काठमाडौं : वैदेशिक रोजगारीका लागि अजरबैजान पठाइदिने भन्दै लाखौं रकम ठगी गरेको आरोपमा एक कन्सलटेन्सीका सञ्चालक पक्राउ परेका छन्। पक्राउ पर्नेमा बाराको मिराकल कन्सलटेन्सीका सञ्चालक २३ वर्षीय राम शरण शिवाकोटी रहेको प्रहरीले जनाएको छ।
उपत्यका अपराध अनुसन्धान कार्यालयका प्रवक्ता एवं सूचना अधिकारी प्रहरी उपरीक्षक रविन्द्र रेग्मीले शिवाकोटीलाई कञ्चनपुरको गड्डाचौकीबाट नियन्त्रणमा लिएको जानकारी दिए।
उनले वैदेशिक रोजगारीका लागि अजरबैजान पठाइदिने भन्दै पीडित युनिसा आले मगरसहित केही व्यक्तिबाट ३३ लाख २ हजार रकम लिइ फरार भएका थिए।
उनलाई कञ्चनपुरको गड्डा चौकीबाट नियन्त्रणमा लिएको हो। उनले फ्रान्स,स्पेन,युक्रेनजस्ता देशहरूमा पठाइदिने भन्दै व्यक्तिहरूसँग रकम लिएको खुल्न आएको छ।
शिवाकोटीलाई थप अनुसन्धानका तथा कारवाहीका लागि वैदेशिक रोजगार विभाग ताहाचाल पठाइएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)