रौतहट : नेकपा (एमाले) रौतहटको अध्यक्षमा सचिदान्द साह निर्वाचित भएका छन्। एमाले रौतहटको दशौं जिल्ला अधिवेशनमा १९३ मत ल्याउँदै साह विजयी भएका हुन्। उनका प्रतिद्वन्द्वि अखिलेश्वर चौधरीले १७४ मत पाएका छन्।
उपाध्यक्षमा रुपेश कुमार पटेल १३६ मतले ल्याएर विजयी भएका छन्। जिल्ला सचिव पदमा बाबुराम दाहालले २०२ मत ल्याएर विजयी भए। उनका प्रतिद्वन्द्वि शिवप्रसादआचार्य ले १४७ मत पाए।
उपसचिवमा अवधेश कुमार यादव १२९ मत ल्याइ विजयी भए।
माघ २५ गते एमालेका अध्ययक्ष केपी शर्मा ओलीले उद्घाटन गरेको १० औं जिल्ला अधिवेशनमा सहमति नजुटेपछि सोमबार मतदान भएको निर्वाचन अधिकृत बालबिक्रम कार्कीले जानकारी दिए। मत गणना सोमबार राति अबेर सकिएको थियो।
प्रतिक्रिया दिनुहोस !
