गोरखा : इलाका प्रहरी कार्यालयले आबुँखैरेनीले ठूलो परिमाणमा लागूऔषध ओसारपसार गरिरहेका एक युवालाई पक्राउ गरेको छ।
मुग्लिनबाट आँबुखैरेनीतर्फ आउँदै गरेको ग २ ख २९६ नम्बरको बसमा चेकजाँच गर्ने क्रममा रुपन्देही जिल्ला समरीमाई गाउँपालिका वडा नम्बर २ घर भएका ३६ वर्षीय सलिम धुनियालाई आठसय ९४ थान लागुऔषधसहित पक्राउ गरिएको इलाका प्रहरी कार्यालय आँबुखैरेनी तनहूँले जनाएको छ।
धुनियाको साथबाट प्रहरीले कालो झोलाभित्र लुकाएर ल्याएको फेनार्गन २९८ थान, बुप्रेनोर्फिन २९८ थान र डाइजेपाम २९८ थान गरी ८९४ थान लागुऔषध बरामद गरेको इलाका प्रहरी कार्यालय आँबुखैरेनी तनहुँका प्रहरी निरीक्षक शिव थापाले जानकारी दिए। धुनियालाई तनहूँ जिल्ला अदालतबाट ७ दिनको म्याद थप्ने अनुमति लिई थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
