काठमाडौं : आयरल्यान्ड ‘ए’ ले नेपाल ‘ए’लाई २८५ रनको लक्ष्य दिएको छ। त्रिवि क्रिकेट मैदानमा पहिला ब्याटिङ गरेको आयरल्यान्डले निर्धारित ५० ओभरमा ९ विकेट गुमाएर २८४ रन बनाएको हो।
नेपालविरुद्ध आयरल्यान्ड ‘ए’ का स्टेफन डोहेनीले शतक प्रहार गरेका छन् । उनले १२९ बलमा २ छक्का र ८ चौकासहित १०७ रनको योगदान गरे।
त्यसैगरी पिटर मुरले ४४ रन,म्याथ्यू हम्फ्रेजले २३ रन, मोरगन टोपिङले २१, फियोन ह्यान्डले २० रन,वेन ह्वाइट १९ रन र गाभिन होइ १४ रन बनाएर पेभेलियन फर्के।
नेपालका रिजन ढकाल र रन्जित कुमारले ३/३ विकेट,विकाश आग्री र साहब आलमले १/१ विकेट लिए।