गोरखा : हिउँपहिरो खसेर पानीको बहाब ह्वात्तै बढेको वीरेन्द्र तालबाट अहिले पानीको बहाब घट्न थालेको छ। बिहान पौने ९ बजेबाट बढेको बूढीगण्डकी दिउसो साँढे एक बजेतिरबाट सामान्य अवस्थातर्फ फर्किएको प्रहरीले जनाएको छ।
‘माथिबाट खसेको हिउँपहिरो पग्लिएपछि अहिले अवस्था सामान्यजस्तै भएको छ’, डीएसपी रमेशकुमार श्रेष्ठले भने, ‘बाढी हटेपछि पर्यटक आवत पनि खुलेको छ। सामागाउँबाट साम्दो जाने बाटोको काठेपुल बगाए पनि वैकल्पिक बाटोबाट पर्यटक साम्दोतिर आवतजावत भएको छ।’ अहिले अवस्था सामान्य रहेको प्रहरीले जनाएको छ।
तालबाट गहिरो खोलेर पानी गएकाले तालमा पानी कम हुनसक्ने अनुमान गरिएको छ। गहिरिएर पानी जानसक्ने हुँदा तालको संरक्षणको खाँचो देखिएको छ।
प्रतिक्रिया दिनुहोस !
