सरिबुङ पिकमा अलपत्र परेका अमेरिकन नागरिकसहित ५ गाइडको हेली उद्दार

जोमसोम : समुन्द्री सतहको ६२३५ मिटर अग्लो उचाइको सरिबुङ पिकबाट अमेरिकन नागरिकको शुक्रबार बिहान हेलिकोप्टरबाट उद्दार गरिएको छ। सरिबुङ हिमाल आरोहण गर्ने क्रममा प्रतिकुल मौसम र हिमपातका कारण बुधबारदेखि सरिबुङ पिकमा गन्तब्य पहिल्याउन नसकी अलपत्र परेका ६८ वर्षीय अमेरिकन नागरिक केनेथ डीन एडराडर्ससहित ५ जना नेपाली पथप्रदर्शको हेलिकोप्टरबाट उद्दार गरी काठमाडौं लगिएको हो।

सरिबुङ हिमाल आरोहरणका लागि अमेरिकन विदेशी नागरिकसहित ५ जना नेपाली पथप्रर्दशक गाइड लमजुङको बेसी सहर हुँदै मनाङको नार्चेबाट मे ४ तारिखमा मुस्ताङ प्रवेश गरेका थिए। सरिबुङ हिमाल आरोहरणका लागि जाँदै गर्दा प्रतिकुल मौसम र हिमपातका कारण अलपल परेका उनीहरु सरिबुङ पिकमै  टेन्ट टाँगेर बसेका थिए। 

अमेरिकन टोलीसँगै आरोहरणमा सम्मिलित ४ जना नेपाली पथप्रर्दशकमध्ये २ जना नेपाली पथप्रर्दशक पैदल हिंडेर मुस्ताङको लोघेकर दामोदरकुण्डमा पर्ने यारामा आएर ट्रेकिङ एजेन्सीलाई प्रतिकुल मौसम र हिमपातका कारण अलपत्र परेको सूचना दिएका थिए। 

त्यसलगत्तै ट्रेकिङ एजेन्सीको समन्वयमा जिल्ला प्रशासन कार्यालय र जिल्ला प्रहरी कार्यालय मुस्ताङले उनीहरुको उद्दारमा सहजीकरण गरेको मुस्ताङका डिएसपी भोजराज पाण्डेयले जानकारी दिए।