यार्सा संकलनका क्रममा भीरबाट लडेर एकजना गम्भीर, उद्धार गर्न सिम्रिकको हेलिकोप्टर आउँदै
जेठ २८, २०८१ सोमबार १३:२४:०
बझाङ : बझाङमा यार्सा संकलन गर्ने क्रममा भीरबाट लडेर एकजना गम्भीर घाइते भएका छन् । साइपाल गाउँपाालिका–१ धलौनका २३ वर्षीय लक्ष्मण धामी बाटुलसेरा भन्ने ठाउँमा यार्सा संकलन गर्दै आएका थिए । यार्सा संकलन गर्ने क्रममा आइतबार बेलुकी ५ बजे बाटुलसेरा भन्ने ठाउँको भीरबाट लडेर धामीलाई चोटपटक लागेको उनका आफन्तले जानकारी दिएका छन् ।
घाइते धामीको टाउको र हातमा गम्भीर चोट लागेको र अन्य शरीरमा पनि चोट रहेको स्थानीय यार्सा संकलक प्रदिप बोहराले बताए । घाइते धामीलाई उद्दार गरेर गाउँ ल्याउने काम भइरहेको र उपचारका लागि साइपाल गाउँपालिकाको समन्वयमा सिम्रिक एयरको हेलिकोप्टर काठमाडौंबाट उडेको अध्यक्ष मानवीर बोहराले बताए ।
प्रतिक्रिया दिनुहोस !
