साउदी : केरी हातेमालो समूहले आयोजना गरेको आयोजित स्वर्गीय कृष्णबहादुर राई प्रथम स्मृति नक आउट फुटबल प्रतियोगिताको उपाधि रियाद फुटबल क्लबले जितेको छ।
निकै प्रतिस्पर्धात्मक रहेको फाइनलमा सगरमाथा ‘ए’लाई पेनाल्टीमा ५-४ गोलले हराउँदै रियाद फुटबल क्लबले जीत हासिल गरेको हो। यो खेलसँगै बिजेता टिमले नगद ६ हजार रियल (२ लाख १० हजार रुपैया)सहित मेडल प्राप्त गरेको छ।
दोस्रो हुने सगरमाथा ए ले ३००० हजार रियल (१ लाख ५ हजार)भने तेस्रो हुने आयोजक टिम केरी हातेमालो समूहले १००० रियल ३५ हजार नेपाली रूपैयाँ)सहित मेडल प्राप्त गरेका थिए। साथै प्रतियोगिताको उत्कृष्ट खेलाडी उत्कृष्ट प्लेयर नगद प्रदान गरिएको थियो भने प्रतियोगितामा २० टिमको सहभागिता थियो।
जीवनका लागि स्वास्थ्य, स्वास्थ्यको लागि खेल भन्ने मूल नाराका साथ आयोजना गरिएको प्रतियोगितामा हिमालयन टुर एण्ड ट्राभल्सका सञ्चालक दीपक रेग्मीको प्रमुख आतिथ्य रहेको थियो भने विजय हुने टिमलाई नगद सहित पुरस्कार वितरण गरिएको थियो।
प्रतिक्रिया दिनुहोस !
