महोत्तरी : महोत्तरी प्रहरीले २ जना फरार प्रतिवादीलाई नियन्त्रणमा लिएको छ। जिल्ला प्रहरी कार्यालय महोत्तरीले दिएको जानकारी अनुसार विभिन्न मितिमा फैसला भएको र सो मुद्दामा वारदातपश्चात फरार रहेको उनीहरुलाई प्रहरीले कानुनी कारवाहीको लागि पक्राउ गरिएको हो।
पक्राउ पर्नेमा जलेश्वर नगरपालिका २ का २० वर्षीय अवशेष साह रहेका छन्। अवशेषलाई जिल्ला अदालतले ज्यान मार्ने उद्योगमा एक लाख रकम जरिवाना तोकिएको थियो। त्यस्तै औरही नगरपालिका १ का ३४ वर्षीय राकेश साहलाई पनि प्रहरीले नियन्त्रणमा लिएको छ। राकेशलाई जिल्ला अदालतले सवारी ज्यान मुद्दामा ३० हजार जरिवाना तोकेको थियो।
अदालतले फैसला सुनाएपछि उनीहरु फरार रहेको र प्रहरीले खोजतलासको क्रममा उनीहरुलाई नियन्त्रणमा लिएको महोत्तरीका प्रहरी प्रवक्ता डिएसपी सन्तुलालप्रसाद जैसवारले जानकारी दिए। उनीहरुलाई आवश्यक कारवाहीको लागि जिल्ला अदालतमा पुर्याएको डिएसपी जैसवारले बताएका छन्।
प्रतिक्रिया दिनुहोस !
