भारतको ७८औँ स्वतन्त्रता दिवस समारोहमा छ हजार विशेष अतिथि आमन्त्रित
साउन ३१, २०८१ बिहीबार ६:३६:४८
नयाँ दिल्ली : प्रधानमन्त्री नरेन्द्र मोदीले अगस्ट १५ (आज) मा दिल्लीको ऐतिहासिक लालकिल्लाबाट ७८औँ स्वतन्त्रता दिवस मनाउन राष्ट्रको नेतृत्व गर्ने जनाइएको छ।
यस वर्षको स्वतन्त्रता दिवसको नारा ‘विकसित भारत २०४७’ रहेको छ । बुधबार जारी गरिएको आधिकारिक विज्ञप्तिमा यस उत्सवले सन् २०४७ सम्ममा देशलाई विकसित राष्ट्रमा परिणत गर्ने सरकारको प्रयासलाई नयाँ बल प्रदान गर्ने मञ्चको रूपमा काम गर्ने उल्लेख गरेको छ ।
समारोहमा जनसहभागिता बढाउने उद्देश्यले यस वर्ष लालकिल्लामा मनाइने कार्यक्रममा करिब छ हजार विशेष अतिथिलाई आमन्त्रण गरिएको छ । कार्यक्रममा विभिन्न राज्य/केन्द्र शासित प्रदेशहरूका लगभग दुई हजार परम्परागत पोशाकमा सजिएका मानिसलाई पनि भव्य समारोहमा आमन्त्रित गरिएको छ ।
प्रतिक्रिया दिनुहोस !
