रुकुमपूर्व : रुकुम पूर्वमा पैसा उठाएर अवरुद्ध भएको मध्यपहाडी लोकमार्गको कुरेपानी सडक खण्ड सुचारु गरिएको छ । बिहीबार राति आएको अविरल वर्षाले कुरेपानीमा सडक माथिबाट रेतीसहितको पहिरो खस्दा शुक्रबार बिहानैबाट जिल्ला बाहिरिने र भित्रिने यातायातका सवारीसाधन ठप्प भएको थियो।
यातायात व्यवसायी, गाडी धनी र सवारी चालक तथा मोटरसाइकल धनी लगायतले पैसा उठाएर अवरुद्ध सडक खण्ड सुचारु गरिएको गाडी धनी सुन्दर गौतमले बताए ।
गाडी धनी सुन्दर गौतमका अनुसार बिहानैदेखि पहिरो हटाउन कसैले चासो नदेखाएपछि रुकुमकोट यातायात प्रा लि का इन्चार्ज सनम गौतमको नेतृत्वमा यातायातकर्मीहरुको सहयोगमा कुरेपानीको अवरुद्ध सडक खुलाइएको हो ।
गौतमका अनुसार सम्बन्धित निकायलाई पहिरो गएको जानकारी बताउँदा पनि बैठक भेला जस्ता कुरा गरेर काम गर्न ढिलो गर्ने र बिहानै जिल्ला भित्रिने तथा बाहिरिने यात्रुको आ-आफ्नै महत्त्वपूर्ण काम हुने भएकाले आफ्नै सक्रियतामा स्काभेटरमार्फत पहिरो हटाइएको बताइएको छ ।
प्रतिक्रिया दिनुहोस !
