काश्मीर : जम्मु कश्मीरमा आज पहिलो चरणको विधानसभा चुनावको मतदान भइरहेको छ। जम्मु कश्मीरमा १८ सेप्टेम्बर, २५ सेप्टेम्बर र १ अक्टोबरमा तीन चरणमा मतदान हुने जनाइएको छ।
आज पहिलो चरणको मतदानमा राज्यको कुल २४ विधानसभा सीटका लागि मतदान हुँदैछ। जसमध्ये १६ सिट कश्मीर र ८ सिट जम्मुका छन्।
धारा ३७० खारेज भएको करिब १० वर्षपछि पहिलो पटक जम्मु कश्मीरमा विधानसभा चुनाव हुन लागेको हो।
५ अगस्त २०१९ मा अनुच्छेद ३७० खारेज गरेर जम्मु कश्मीरको विशेष दर्जा हटाइएको थियो। दुई केन्द्र शासित प्रदेशहरू बनाइएको थियो।
चुनावमा नेशनल कन्फ्रेन्स र कांग्रेस मिलेर राज्यका सबै ९० सिटमा दुवै राजनीतिक दलले साझा चुनाव लडिरहेका छन्।
भाजपा र पीडीपी भने यस चुनावी मैदानमा एक्लै छन्। लोकसभा सांसद इन्जिनियर राशिदको पार्टी अवामी इत्तिहादले प्रतिबन्धित संगठन जमात-ए-इस्लामीले समर्थन गरेको स्वतन्त्र उम्मेदवारहरूसँग गठबन्धनको घोषणा गरेको छ।
मतदानलाई मध्यनजर गर्दै राज्यमा सुरक्षा व्यवस्था पनि कडा पारिएको छ।
प्रतिक्रिया दिनुहोस !
