झापा: झापाको बिर्तामोडमा मोटरसाइकलको ठक्करबाट एक पैदल यात्रीको मृत्यु भएको छ । मृत्यु हुनेमा बिर्तामोड नगरपालिका- ६ बुट्टाबारी निवासी अन्दाजी ६२ वर्षीय यामबहादुर लिम्बु रहेको जिल्ला प्रहरी कार्यालय झापाले जनाएको छ ।
पूर्वपश्चिम राजमार्ग अन्तरगत बिर्तामोड-६ कुमारी चौकमा गएराति ८ बजे चारआलीबाट बिर्तामोडतर्फ जाँदै गरेको प्र १-०१-०१३ प २८०९ नम्बरको मोटरसाइकलले पैदलयात्री लिम्बुलाई ठक्कर दिएको थियो ।
टाउको र खुट्टामा चोट लागेका उनको बीएण्डसी अस्पतालमा उपचारको क्रममा मंगलबार बिहान २:४० बजे मृत्यु भएको प्रहरीले जनाएको छ ।
मोटरसाइकल र चालक बुद्धशान्ति गाउँपालिका ४ निवासी ३२ वर्षीय विकास लिम्बूलाई इलाका प्रहरी कार्यालय बिर्तामोडले नियन्त्रणमा लिएको छ ।
प्रतिक्रिया दिनुहोस !
