प्रधानमन्त्री ओलीसँग युएसएआईडीकी प्रमुख पावरको भेट, परियोजनाबारे छलफल
असोज ९, २०८१ बुधबार ७:०:३८
न्युयोर्क : प्रधानमन्त्री केपी शर्मा ओली र अन्तर्राष्ट्रिय विकासका लागि अमेरिकी सहायता संस्था (युएसएआईडी) की प्रमुख सामन्थ पावरबीच भेटवार्ता भएको छ ।
संयुक्त राष्ट्रसंघको ७९औँ महासभामा भाग लिन अमेरिकाको न्यूयोर्क पुगेका प्रधानमन्त्री ओलीसँग मंगलबार युएसएआईडीकी प्रमुख पावरले भेटवार्ता गरेकी हुन् ।
प्रधानमन्त्री सचिवालयका अनुसार सयुक्त राष्ट्रसंघका लागि नेपालको स्थायी नियोगमा भएको भेटमा नेपालमा अमेरिकी सहयोगमा सञ्चालित परियोजनाहरू र भावी दिनमा त्यसलाई कसरी प्रभावकारी बनाउने भन्ने विषयमा छलफल केन्द्रित रहेको थियो ।
भेटमा प्रधानमन्त्री ओलीका मुख्य सल्लाहकार विष्णुप्रसाद रिमाल, नियोगका प्रमुख लोकबहादुर थापालगायत सहभागी थिए।
प्रतिक्रिया दिनुहोस !
