झापा : हुलाकी सडक खण्डमा मोटरसाइकल दुर्घटना हुँदा झापामा एक जनाको मृत्यु भएको छ । अर्का एक घाइते भएका छन् ।
गएराति ९:२० बजे गौरीगञ्ज गाउँपालिका- ३ ठेकिटोलामा गौरीगञ्ज बजारबाट कोरोबारीतर्फ जाँदै गरेको मे ८ प ८८९५ नम्बरको मोटरसाइकल आफैँ अनियन्त्रित भई दुर्घटना भएको हो ।
दुर्घटनामा परी मोटरसाइकल चालक गौरीगञ्ज गाउँपालिका- ४ का अन्दाजी ३० वर्षीय रोशन मगरको मृत्यु भएको प्रहरीले जनाएको छ । त्यस्तै मोटरसाइकलमा पछाडि सवार गौरीगञ्ज गाउँपालिका- २ का अन्दाजी ३२ वर्षीय श्याम राजवंशी घाइते भएका छन् ।
घाइते दुवै जनालाई उपचारको लागि लाइफलाइन अस्पताल दमक पठाइएकोमा उपचारको क्रममा मोटरसाइकल चालक मगरको राति साढे १० बजे मृत्यु भएको जिल्ला प्रहरी कार्यालय झापाले जनाएको छ । मोटरसाइकल प्रहरीको नियन्त्रणमा छ ।
प्रतिक्रिया दिनुहोस !
