बेइजिङ : चीनको झुहाईमा एउटा कारले रंगशालाबाहिर कसरत गरिरहेका मानिसहरूको भीडलाई किचेको छ । यस दुर्घटनामा कम्तीमा ३५ जनाको मृत्यु भएको छ भने ४३ जना घाइते भएका छन् ।
चिनियाँ सञ्चारमाध्यमका अनुसार घाइते हुनेमा ठूलो संख्यामा वृद्ध, युवा र बालबालिका रहेका छन् ।
कार चलाउने व्यक्ति भाग्ने प्रयास गरेका थिए तर प्रहरीले नियन्त्रणमा लिएको बीबीसी समाचारमा उल्लेख छ।
सहरमा हुन लागेको ठूला नागरिक तथा सैनिक एयर शोका लागि रहेको कडा सुरक्षा घेरामा यो दुर्घटना भएको हो । प्रारम्भिक अनुसन्धानबाट अभियुक्त सम्बन्धविच्छेदपछि सम्पत्तिको टुङ्गोमा चित्त नबुझेकाले मानिसहरुमाथि गाडी चढाएको प्रहरीले जनाएको छ ।
कोमामा रहेका कारण उनले प्रहरीको प्रश्नको जवाफ दिन सकेका छैनन् ।
प्रतिक्रिया दिनुहोस !
