मैले देउवालाई प्रधानमन्त्री बन्न आग्रह गरेको छैन, गगन थापाले झुटो बोले : प्रचण्ड
मंसिर १५, २०८१ शनिबार १३:३७:४५
काठमाडौं : नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री बन्न आफूले कांग्रेस सभापति शेरबहादुर देउवालाई आग्रह नगरेको बताएका छन्। शनिबार आफ्नै निवास खुमलटारमा आयोजित एक कार्यक्रमपछि सञ्चारकर्मीसँग कुरा गर्दै प्रचण्डले गगन थापाको टिप्पणी झुटो भएको स्पष्ट पारेका हुन्।
उनले हप्तामा एकपटक कांग्रेस सभापतिलाई प्रधानमन्त्री बनिदिन खबर पठाउने गरेको भन्ने गगन थापाको भनाइ शत प्रतिशत झुटो भएको धारणा राखे।
उनले आफूप्रति लगाएको झुटो आरोपको आत्म समीक्षा गर्न थापालाई सुझाव समेत दिए। प्रचण्डले गगन थापासँग युवा नेताको रुपमा आफूले केहि समयअघिसम्म सहकार्य गरेपनि अहिले केहि महिनाभित्र थापामा आएको परिवर्तन र तल झरेर आफूप्रति गरेको टिप्पणी देख्दा आफूलाई थापा प्रति दया लागेको जिकिर गरे। उनले सरकारबाट बाहिर आएर जनतामा जाँदा नै सहज भएको भन्दै सरकार ८४ सम्म चलाउन कांग्रेस–एमालेलाई भनेको धारणा राखे।
प्रतिक्रिया दिनुहोस !
